அறிவு வறுமை

ஒழுக்கம், கற்பு என்பவை சமுதாய நியதிகள், வாகனங்களின் ஒரு வழிப் பயணம் போல. தத்தம் உடல் மன நலம் காக்கவும், சமுதாயத்தோடு முட்டி மோதிக் கொள்ளாமல் இருக்கவுமே ஒழுக்கம் தேவையாகிறது. அப்படிப்பட்ட ஒழுக்கம் ஆண், பெண், குழந்தைகள், முதியவர் அனைவருக்கும் தேவையாகிறது. சிறை காக்கும் காப்பு என்ன செய்து விட முடியும் அவரவர்தான் மனதால் உணர்ந்து நிறையைக் காத்துக் கொள்ள வேண்டும். ஆண்களும்தான். அப்படியானால் ஒழுக்கத்தின் எளிய சூத்திரம் “தனக்கோ, பிறருக்கோ, தற்காலத்திலோ, பிற்காலத்திலோ உடலுக்கோ, உணர்ச்சிக்கோ ஊறு செய்யாத செயல்களைச் செய்வதுதான் ஒழுக்கம்” அனைவரிடத்தும் முட்டிக் கொள்ளாமல் சுமூகமான உறவு வைத்துக் கொள்ள வேண்டுமென்றால் விமர்சனம் (Comment), அதிகாரம் (Command), கட்டாயப்படுத்துதல் (Demand) மூன்றையும் ஒழித்து விட வேண்டும்.